Il-każi jerġħu jinżlu għal 20 u ma tkun irreġistrata l-ebda mewta fl-aħħar 24 siegħa

Il-każi ġodda tal-Covid-19 baqgħu baxxi, hekk kif fl-aħħar 24 siegħa ġew reġistrati 20 każ ġdid minn total ta' 1,628 swab test.  Fl-istess perjodu ta' 24 siegħa fiequ mill-virus 57 persuna, biex issa t-total ta' każi attivi niżlu taħt il-500, jiġifieri 476. 

Fl-aħħar 24 siegħa ma ġew irreġistrati ebda imwiet kaġun tal-virus. 

Intant il-proċess ta' vaċċinazzjoni baqa' għaddej b'rittmu mgħaġġel b'6,000 doża fl-aħħar 24 siegħa, għal total ta' 307,636, bin-nies li ħadu t-tieni doża jitilgħu għal 98,677.