Il-Kap tal-Oppożizzjoni u tal-Partit Nazzjonalista Bernard Grech ħabbar ir-reshuffle tas-shodow cabinet anke jekk it-tibdil kien wieħed minimu, bl-eks Kap tal-Oppożizzjoni Adrian Delia jagħżel li ma jkollu l-ebda rwol bħala Kelliem tal-Oppożizzjoni.
L-uniku Deputati li kellhom l-irwol tagħhom mibdul huma:
- Claudette Buttigieg li issa hija Kelliema għall-Politika Soċjali u Familja u li qabel kienet Kelliema għall-Ugwaljanza
- Jason Azzopardi li issa huma Kelliem għax-Xogħol, Taħriġ, Kompettività u Intrapriża u li qabel kien Kelliem għall-Ġustizzja
- Hermann Schiavone li issa huwa Kelliem għall-Ippjanar u l-Kostruzzjoni u li qabel kien Kelliem għad-Drittijiet tal-Konsumatur, Indafa Pubblika u l-Industrija tad-Divertiment.
- Therese Comidini Cachia li issa hija Kelliema għad-Drittijiet Umani, il-Governanza t-Tajna u s-Saltna tad-Dritt u li qabel kienet kelliema għall-Patrimonju Nazzjonali, Arti, Kultura u Midja
- Claudio Grech - issa huwa Kelliem għat-Tiġdid Politiku, Riċerka u Innovazzjoni u li qabel kien kelliem għall-Ekonomija.
Il-maġġoranza tad-Deputati baqgħu jżommu l-istess irwoli. Fl-aħħar jiem, diversi rapporti kienu qed jisħqu li l-Kap Nazzjonalista kien qed jiffaċċja reżistenza interna minn Deputati li ma xtaqux bidla fl-irwol tagħhom u anke minn barra, fosthom minn kostitwenti fit-tieni distrett hekk kif rapporti kienu qed jisħqu li Stephen Spiteri ma kienx se jibqa' Kelliem tal-Oppożizzjoni għas-Saħħa.
Forsi l-aktar bidla importanti kienet dik għal Claudio Grech, li fost irwoli oħra, Bernard Grech qed jafdah bit-Trasformazzjoni u l-Innovazzjoni tal-Politika tal-Partit Nazzjonalista, tfassil tal-viżjoni Soċjo-ekonomika, l-implimentazzjoni tal-Policy Clusters u anke tfassil tal-Programm Elettorali.
Il-lista tar-responsabbiltajiet tal-membri tal-Grupp Parlamentari tal-Partit Nazzjonalista:
Il-Grupp Parlamentari hu fundamentali għat-tiġdid li rrid nara fil-Partit Nazzjonalista. Tul dawn l-aħħar mitt jum bħala...
Posted by Bernard Grech on Wednesday, 20 January 2021
Kap tal-Oppożizzjoni
L-Onor. Bernard Grech
Viċi Kap għall-Affarijiet tal-Parlament u Kelliem għall-Inklużjoni u l-Kwalità tal-Ħajja
L-Onor. David Agius
Responsabbli mill-Pensjonijiet, Politika dwar it-Tfal, Inklużjoni u Kwalità ta’ Ħajja Aħjar u Social well-being
Viċi Kap għall-Affarijiet tal-Partit u Kelliem għat-Turiżmu
L-Onor. Robert Arrigo
Responsabbli mis-settur tat-Turiżmu
Whip u Kelliem għall-Ambjent u Tibdil fil-Klima
L-Onor. Robert Cutajar
Responsabbli mill-Politika Ambjentali u għar-Riżorsi, Politika dwar Tibdil fil-Klima, Strateġija għall-Immaniġġjar tal-Iskart, Proġetti Ambjentali, Żoni Marini Protetti, Natura 2000, Tisbiħ Urban
Segretarju tal-Grupp Parlamentari u Kelliem għall-Ġustizzja
L-Onor. Karol Aquilina
Responsabbli mis-settur tal-Ġustizzja u mir-Riforma Elettorali
Deputat Whip u Kelliem għall-Fondi Ewropej u l-Għaqdiet Volontarji
L-Onor. Kevin Cutajar
Responsabbli mill-Fondi u Programmi Ewropej, State Aid u mis-settur tal-Għaqdiet Volontarji u Non Governattivi
Deputat Whip u Kelliem għall-Gvern Lokali, Wirt Nazzjonali u ż-Żgħażagħ
L-Onor. Karl Gouder
Responsabbli mill-Gvernijiet Lokali, l-Indafa Pubblika, l-Wirt Nazzjonali, Kultura u l-Arti u ż-Żgħażagħ
Deputat Speaker u Kelliem għall-Politika Soċjali u l-Familja
L-Onor. Claudette Buttigieg
Responsabbli mill-Politika Soċjali, Politika dwar il-Familja, Sigurtà Soċjali u Servizzi ta’ Solidarjetà, Protezzjoni tal-Konsumatur u Membru tal-Covid Action Team
Kelliem għax-Xogħol, Taħriġ, Kompetittività u Intrapriża
L-Onor. Jason Azzopardi
Responsabbli mis-settur tax-Xogħol u t-Taħriġ, Malta Enterprise, Kompetittività u Relazzjonijiet Industrijali
Kelliem għall-Akkomodazzjoni Soċjali u Affordabbli u l-Ġlieda kontra l-Faqar
L-Onor. Ivan Bartolo
Responsabbli mis-settur tal-Akkomodazzjoni Soċjali, Politika għal Akkomodazzjoni Affordabbli u l-Ġlieda kontra l-Faqar
Kelliem għat-Trasport u l-Infrastruttura
L-Onor. Anthony Bezzina
Responsabbli mis-Settur tat-Trasport u l-Infrastruttura, Portijiet, Avjazzjoni u Affarijiet Marittimi
Kelliem għall-Politika dwar l-Ilma u l-Enerġija u l-Iżvilupp Sostenibbli
L-Onor. Ryan Callus
Responsabbli mill-Immaniġġjar tal-Ilma, Politika dwar l-Enerġija, Enerġija Alternattiva, Ħarsien u mmaniġġjar tal-Parks u Widien u l-Iżvilupp Sostenibbli.
Kelliem għad-Drittijiet Umani u l-Governanza Tajba
L-Onor. Therese Comodini Cachia
Responsabbli mid-Drittijiet Umani, Governanza Tajba u r-Rule of Law
Kelliem għall-Finanzi
L-Onor. Mario De Marco
Responsabbli mill-Finanzi u l-Airmalta
Kelliema għall-Iżvilupp Ekonomiku u l-Industrija
L-Onor. Kristy Debono
Responsabbli mis-Settur Ekonomiku, Servizzi Finanzjarji, Gaming, Artijiet, Ħolqien ta’ Setturi Ekonomiċi Ġodda u s-Settur Industrijali.
Kelliema għall-Anzjani u l-Kura fil-Komunità
L-Onor. Maria Deguara
Responsabbli mis-Settur tal-Anzjani u l-Kura fil-Komunità u membru tal-Covid Action Team
Kelliem għar-Riforma Kostituzzjonali, d-Djalogu Soċjali u x-Xandir Nazzjonali
L-Onor. Joseph Ellis
Responsabbli mid-Diskussjonijiet dwar ir-Riforma Kostituzzjonali, d-Djalogu Soċjali, x-Xandir Nazzjonali u l-Amministrazzjoni Pubblika
Kelliem għall-Intern, is-Sigurtà Nazzjonali u ċ-Ċittadinanza
L-Onor. Beppe Fenech Adami
Responsabbli mill-Intern, is-Sigurtà Nazzjonali, l-Immigrazzjoni u ċ-Ċittadinanza
Kelliem għas-Saħħa Mentali u d-Drittijiet tal-Annimali
L-Onor. Mario Galea
Responsabbli mis-settur tas-Saħħa Mentali, Dimensja, ġlieda kontra d-Dijabete u d-Drittijiet tal-Annimali
Kelliem għat-Tiġdid Politiku, Riċerka u Innovazzjoni
L-Onor. Claudio Grech
Responsabbli mit-Trasformazzjoni u l-Innovazzjoni tal-Politika tal-Partit Nazzjonalista, tfassil tal-viżjoni Soċjo-ekonomika, l-implimentazzjoni tal-Policy Clusters, tfassil tal-Programm Elettorali, Riċerka, Innovazzjoni, Xjenza u Teknoloġiji u l-pjan tal-irkupru wara l-Covid-19. Membru tal-Covid Action Team.
Kelliem għall-Affarijiet Barranin u Ewropej
L-Onor. Karm Mifsud Bonnici
Responsabbli mir-Relazzjonijiet ta’ Malta ma’ Pajjiżi Barranin
Kelliem għall-Edukazzjoni u l-Isport
L-Onor. Clyde Puli
Responsabbli mis-settur tal-Edukazzjoni, l-Isport, ġlieda kontra l-Obeżità u membru fil-Covid Action Team
Kelliem għal Għawdex
L-Onor. Chris Said
Responsabbli għal Għawdex
Kelliem għall-Ippjanar u l-Industrija tal-Kostruzzjoni
L-Onor. Hermann Schiavone
Responsabbli mill-Ippjanar tal-Iżvilupp, is-Suq tal-Propjetà, l-Industrija tal-Kostruzzjoni, u l-Port Ħieles
Kelliem għas-Saħħa u r-rispons għall-Pandemija
L-Onor. Stephen Spiteri
Responsabbli mis-Settur tas-Saħħa u membru fil-Covid Action Team
Kelliem għall-Ekonomija l-Ħadra u l-Proġetti Kapitali
L-Onor. David Thake
Responsabbli mill-Ekonomija l-Ħadra u l-Proġetti Kapitali.
Kelliem għall-Agrikoltura, Sajd u n-Negozji ż-Żgħar
L-Onor. Edwin Vassallo
Responsabbli mis-settur tal-Biedja u s-Sajd, Ħarsien tad-Delizzji tradizzjonali inkluż Kaċċa u Nsib, is-settur tal-Koperattivi u s-settur tan-Negozji ż-Żgħar.
