Bħal-lum sena, Robert Abela kien elett Mexxej tal-Partit Laburista u effettivament Prim Ministru ta' Malta.
F'filmat ippubblikat fuq Facebook, il-Prim Ministru insista li din is-sena kienet waħda ta' sfidi, madanakollu saħaq li kien għadu u se jibqa' pożittiv u ottimist.
Saħaq ukoll li l-Gvern, f'din is-sena, ħa deċiżjonijiet kruċjali u għax żamm sod, il-pajjiż se jkun kapaċi "jerġa' jitlaq jiġri 'l quddiem."
"Kont onest kif kien il-Gvern li mmexxi," saħaq il-Prim Ministru.
Qal li din il-ġimgħa se jkun qed iqattagħha fil-komunitajiet fejn in-nies jgħixu u jaħdmu waqt li wiegħed li se jibqa' dejjem viċin in-nies.
"Miegħi tafu fejn qegħdin," temm jisħaq il-Prim Ministru.