21 każ ġdid ta' COVID-19 fl-aħħar 24 siegħa ... Il-każi attivi jitilgħu għal 171

Dan huwa l-ogħla ammont ta' każi ġodda ta' COVID-19 fl-aħħar ġimgħat

1 t'Awwissu 2020 12:37
minn Yendrick Cioffi

Fl-aħħar 24 siegħa saru xejn inqas minn 1,748 test u minnhom irriżultaw 21 każ ġdid ta' COVID-19 biex issa l-għadd tal-każi l-ġodda tela' għal 171.

Skont l-informazzjoni mogħtija mill-awtoritajiet tas-saħħa:

Il-maġġoranza tal-każi kienu kuntatti ta' persuni oħra li fl-aħħar jiem irriżultaw pożittiv
Il-maġġoranza tal-pazjenti l-ġodda għandhom inqas minn 35 sena
Żewġ każi huma importati
Każ wieħed huwa ta' persuna li għandha 'l fuq minn 80 sena
Tliet każi huma ta' immigranti li kienu fi kwarantina