Fit-72 siegħa li ġejjin l-PM mistenni jħabbar aktar negozji li se jkunu jistgħu jiftħu
Il-Ministru għat-Turiżmu Julia Farrugia Portelli tħabbar dan waqt Webinar għal dawk kollha li għandhom sehem fl-industrija turistika
minn Albert Gauci Cunningham
Sorsi nfurmati mill-Industrija turistika infurmaw lil dan is-sit illi l-Ministru Julia Farrugia Portelli kkomunikat mal-industrija waqt webinar organizzat mill-Awtorità Maltija għat-Turiżmu li sar dalgħodu, li fis-72 siegħa li ġejjin il-Prim Ministru Robert Abela se jkun qed iħabbar dawk is-setturi fl-ekonomija li se jkunu jistgħu jiftħu, inkluż fit-turiżmu.
Jidher li l-industrija din id-darba se jkollha ċans tipprepara għal dawn il-miżuri b'linji gwida ċari hekk kif se jkun hemm perjodu illi fih dawn ikunu jistgħu jippreparaw il-ftuħ mill-ġdid tan-negozju tagħhom.
L-ewwel grupp ta' negozji li fetħu kienu dawk tal-ħwejjeġ, fost oħrajn, ġimgħa u nofs ilu. Dakinhar kien intqal mill-Prim Ministru Robert Abela illi skont ir-riżultati u n-numri ta' infezzjonijiet ta' Covid-19 jinfeħu aktar negozji. Huwa mifhum li hemm ħafna pressjoni mill-industrija turistika u tad-divertiment biex ikun hemm xi forma ta' ftuħ mill-ġdid ta' industrija staġnata għal dawn l-aħħar 10 ġimgħat.
Għalkemm għadu mhux ċar liema negozji se jkunu qed jiftħu huwa mifhum li se jkun hemm linji gwida u protokolli dwar kif dawk li se jiftħu jistgħu joperaw.f'rispett lejn ir--regoli tal-iddistanzjar soċjali.
