Każ wieħed biss ta' Covid-19 fiċ-ċentru miftuħ ta' Ħal Far fl-aħħar 24 siegħa

Twissijiet ċari mis-Supretendent kontra nuqqas ta' kawtela

 

Is-supretendent ts-Saħħa Pubblika Charmaine Gauci ħabbret illi fl-aħħar 24 siegħa minn 944 test li saru rriżulta każ wieħed biss ġdid ta' Covid-19, li huwa każ ta' resident fiċ-Ċentru Miftuħ ta' Ħal Far.  Dan ifisser li f'dan iċ-ċentru sa issa kien hemm 50 każ attiv.  Hija qalet ukoll iżda li aktar persuni f'dan iċ-ċentru qed joħorġu mill-kwarantina.

B'kollox sal-lum Malta kellha 468 każ attiv b'379 każ ta' nies li fiequ mill-virus għal total ta' 85 każ attiv u erba' persuni li sfortunatament tilfu ħajjithom. 

Gauci wissiet li għalkemm hemm każ wieħed biss il-virus xorta għadu fil-komunità b'persuni li jkollhom il-virus u ma jkollhomx sintomi, għalhekk appellat biex kulħadd iżomm mar-regoli ta ddistanzjar soċjali. 

Semmiet il-miżuri mħabbrin ilbieraħ u l-kundizzjonijiet li bihom se jinfetħu ħwiienet, fosthom li hemm limitu ta' nies li jistgħu jidħlu.  Fakkret ukoll li issa l-ilbies tal-maskre se jsir obbligatorju.

"Jekk se nibdew niltaqgħu ma ħafna nies oħrajn se nitilfu dak kollu li għamilna sa issa.  Mela ejja nuru kawtela," appellat Gauci.  "ir-riskju li jerġa jinfirex il-virus qiegħed hemmhekk, allura l-istat ta' emerġenza medika jibqa' jgħodd." 

X'se jiġri minn nhar it-Tnejn?

Ir-rilaxxament tal-miżuri huma hekk: Minn nhar it-Tnejn se jerġgħu jinfetħu u jibdew xi servizzi tas-saħħa li twaqqfu, fosthom il-kliniċi kollha se jerġgħu jibdew jagħtu t-tilqim lit-tfal, se jerġa jibda l-iscreening tal-utru, imbagħad jiżdiedu l-iscreening ta' aktar tipi ta' kanċer. Se tiżdied l-attività fl-isptar Mater Dei, fosthom l-Endoskopiji, se jiżdiedu l-appuntamenti għall-ultra sounds u se jerġgħu jibdew joperaw aktar servizzi fid-dipartiment tal-kardjoloġija.

Dawk il-ħwienet li jistgħu jiftħu minn nhar it-Tnejn huma dawk tal-ħwejjeġ u ħwejjeġ sportivi, aċċessorji, ħwienet tal-lottu, VRT, ġojjellerija, ħwienet tan-nuċċalijiet, ħwienet tal-għamara, shopping malls, ħwienet tal-fjuri, tal-passatempi, taż-żraben u dawk tal-ġugarelli.  Ħwienet oħra ma jistgħux jiftħu għalissa.  Kien imħabbar ukoll li li kull ħaddiem li jaħdem f'dawn il-ħwienet u kull min jidħol fihom huwa obbligat li jilbes maskra.

Dan apparti li gruppi ta' nies flimkien issa se jitla' għal erbgħa minn nies u mhux iktar.  Gruppi ta' aktar jistgħu jaqilgħu multi imposti skont il-liġi.

Miżura oħra se tkun ir-rilassament ta' vjaġġar bejn Malta u Għawdex taħt kontrolli ta' ddistanzjar soċjali.

More in Politika