Ħaddiem iweġġa' wara li waqa bih lift li kien qed jaħdem fih

Raġel ittieħed l-Isptar Mater Dei għall-kura wara li waqa' numru ta' sulari f'lift li kien qed jaħdem fih fil-bini tad-Dipartiment tal-Informazzjoni fil-Belt Valletta.

Sa issa l-kundizzjoni tar-raġel, li huwa barrani, mhux magħrufa. Sorsi li tkellmu ma' din il-gazzetta qalu li meta seħħ l-inċident instema' ħoss kbir meta waqa' l-lift, u ftit wara nstemgħu ukoll għajjat sabiex tissejjaħ ambulanza.

Intqal ukoll li fil-bini hemm żewġ lifts, b'wieħed minnhom kien l-antik, liema lift waqa' waqt li kienet qed issir it-tiswijiet.