Anzjan bi ġrieħi gravi wara li kien f'karozza li baqgħet dieħla f'parapett

Raġel ta’ 74 sena sofra ġrieħi gravi wara inċident tat-traffiku fis-Siġġiewi.

Il-każ seħħ it-Tnejn għall-ħabta ta’ 17:15 fi Triq Blat il-Qamar, fis-Siġġiewi. Minn stħarriġ preliminari, irriżulta li raġel ta’ 23 sena li jgħix f’Ħaż-Żabbar kien qed isuq Toyota Starlet, meta tilef il-kontroll tal-vettura, u baqa’ dieħel ġo parapett ta’ dar.

Fil-karozza miegħu kien hemm ir-raġel ta’ 74 sena. 

Huwa ngħata ttieħed fl-Isptar Mater Dei minn tim mediku b’ambulanza, fejn aktar tard ġie ċċertifikat li sofra ġrieħi gravi. 

L-investigazzjonijiet tal-Pulizija għadhom għaddejjin.