Iweġġa' serjament wara li waqa' fuqu madum li kien qiegħed jittella' f'residenza

Illum għall-ħabta tas-7:30 a.m. il-Pulizija ġiet infurmata b'inċident fi Triq Ġużè Flores, f'Ta' Kerċem, Għawdex. 

Il-Pulizija marret immedjatament fuq il-post u mill-ewwel investigazzjonijiet irriżulta li raġel ta' 25 sena mix-Xewkija weġġa' wara li waqa' fuqu ammont ta' madum li kien qed jittella' f'residenza. 

Huwa ngħata l-għajnuna minn tim mediku u  ittieħed l-Isptar Ġenerali ta' Għawdex b'ambulanza, fejn ġie iċċertifikat li sofra ġrieħi serji.

Bil-każ ġiet infurmata l-Maġistrat tal-Għassa Dr Brigitte Sultana li ħatret inkjesta filwaqt li l-investigazzjonijiet tal-Pulizija għadhom għaddejjin.