Sena ġdida, skeda ġdida. Mil-lum daħlet fis-seħħ l-iskeda l-ġdida tal-ġbir tal-iskart domestiku hekk kif kien determinat fil-Pjan Nazzjonali dwar l-Immaniġġjar tal-Iskart.
L-għan ta' din il-bidla kienet biex titneħħa l-anomalija eżistenti dwar l-iskedi tal-ġbir tal-boroż b'mod differenti bejn il-lokalitajiet u issa l-ġbir ikun wieħed uniformi għal Malta u Għawdex kollha.
Kif se tibda' toħorġu l-iskart?
- It-Tnejn – Skart Organiku biss (borża bajda)
- It-Tlieta – Skart imħallat (borża sewda)
- L-Erbgħa – Skart Organiku biss (borża bajda)
- Il-Ħamis – Skart Riċiklat (borża griza jew ħadra)
- Il-Ġimgħa – Skart Organiku biss (borża bajda)
- Is-Sibt - Skart Imħallat (borża sewda)
Minn naħa l-oħra l-ġbir tal-fliexken tal-ħġieġ se jkun qed isir kull l-ewwel Ġimgħa tax-xahar u t-tielet Ġimgħa tax-xahar.
Jekk ikun hemm bżonn ta’ aktar għajnuna jista’ jsir kuntatt fuq numru tat-telefon 2090 8600 jew wieħed jista’ jżur is-sit www.wastecollection.mt
