Anzjana titlef ħajjitha wara li waqgħet fir-residenza tagħha

Anzjana ta' 83 sena, tilfet ħajjitha wara li waqgħet madwar sular fir-residenza tagħha stess.

Il-każ seħħ seħħ għal xi l-għaxra ta’ filgħodu, fi Triq Ħal Tarxien, Ħal Luqa. 

Hija ngħatat l-ewwel għajnuna iżda ġiet iċċertifikata mejta fuq il-post.

F'inċident separat, li seħħ għall-ħabta tal-kwarta, fi Trejqa tal-Fleur- De-Lys, Santa Venera, raġel, li l-identità tiegħu għadha mhix magħrufa, kien qiegħed jaħdem f’residenza u waqa’ madwar żewġ sulari.

Huwa ttieħed Mater Dei u ġie ċċertifikat li weġġa’ gravi.

Il-Maġistrat tal-Għassa ġiet infurmata bl-ewwel inċident u ħatret inkjesta.

L-investigazzjonijiet tal-Pulizija għadhom għaddejjin.