Il-Kap Eżekuttiv tal-Orkestra Nazzjonali Sigmund Mifsud tressaq il-Qorti u qed jiffaċċja tliet akkużi, li jitrattaw kemm vjolenza morali jew psikoloġika kif ukoll li prova jwaqqaf persuna milli tixhed, primarjament fuq każ ta' allegat abbuż sesswali.
Mifsud - li fl-2013 kien ukoll kandidat tal-Partit Laburista għall-elezzjoni - qed ikun akkużat illi bejn Mejju 2019 u dan ix-xahar stess uża vjolenza morali jew anke psikoloġika sabiex jiżola lill-vittma jew inkella jillimitalha l-aċċess għal flus, impjieg jew edukazzjoni. Huwa qed ikun akkużat ukoll illi ġiegħel lill-vittma tibża' li se tintuża l-vjolenza kontiha jew inkella kontra l-proprjetà tagħha.
Huwa kien akkużat ukoll - fuq kollox - illi lill-vittma prova jwaqqafha milli tagħti xhieda jew informazzjoni f'każ ta' allegat abbuż sesswali.
Il-vittma in kwistjoni kienet allegatament iffastidjata sesswalment, b'uffiċjal tal-istess Orkestra Nazzjonali b'mod persistenti jipprova jinvadi l-ispazju personali tal-mara u jmissha b'mod li mhux propizju, minkejja r-reżistenza u l-oġġezzjonijiet tagħha. Dawn l-episodji wasslu biex tirreżenja mill-Orkestra, minkejja li din kienet il-ħolma tagħha.
I-vittma hija mużiċista mħarrġa fil-mużika klassika.
L-avukat difensur Gianella De Marco qalet illi l-akkużat isofri minn ansjetà li wassal għat-tmiem tal-karriera tiegħu. Huwa kien ikkonferma l-ħtija tiegħu u allura ingġata sentenza ta' sena ħabs sospiżi għal erba' snin,