Raġel jaqa' għoli ta' żewġ sulari waqt li kien qed jaħdem f'xaft

Illum, għal xis-2:00 p.m, il-Pulizija ġiet infurmata b’inċident f’sit ta’ kostruzzjoni fi Triq id-Dejma, iż-Żejtun. Il-Pulizija marret mill-ewwel fuq il-post u minn investigazzjoni preliminari rriżulta li Ungeriż ta’ 27 sena residenti San Ġiljan, kien qiegħed jagħmel xi xogħlijiet ġo xaft u waqa’ għoli ta’ madwar żewġ sulari.

Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.

L-investigazzjonijiet tal-Pulizija dwar dan l-inċident għadhom għaddejjin.