Raġel jitlef il-kontroll tal-mutur f’Misraħ l-Assedju l-Kbir il-Belt Valletta

Minn stħarriġ preliminari li sar irriżulta li raġel ta’ 30 sena tilef il-kontroll tal-mutur li kien qiegħed isuq u waqa’

27 t'Awwissu 2022 10:10
minn Marianna Calleja

Ilbieraħ, għall-ħabta tal-10:30.p.m, il-Pulizija ġiet infurmata b’inċident f’Misraħ l-Assedju l-Kbir, il-Belt Valletta.

Il-Pulizija tad-Distrett marret minnufih fuq il-post u minn stħarriġ preliminari li sar irriżulta li raġel ta’ 30 sena u residenti San Pawl il-Baħar, tilef il-kontroll tal-mutur li kien qiegħed isuq, tat-tip Piaggio, u waqa’.

Fuq il-post issejjaħ tim mediku u ambulanza ħadet lir-raġel l-Isptar Mater Dei sabiex jingħata l-kura meħtieġa. Aktar tard, hu ġie ċċertifikat li qed isofri minn ġrieħi gravi.

L-investigazzjonijiet tal-Pulizija għadhom għaddejjin.