Anzjana fil-periklu tal-mewt wara li waqgħet il-baħar u belgħet ammont ta' ilma

Anzjana ta' 83 sena tinsab fil-periklu tal-mewt wara li waqgħet il-baħat u belgħet ammont ta' ilma.

Il-każ seħħ għall-ħabta tal-10:00am, fil-bajja ta' Baħar iċ-Ċagħaq.

Jidher li l-anzjana kienet nieżla l-baħar meta daħal xi mewġ bil-konsegwenza li din waqgħet, ħabtet mal-blat u belgħet ammont ta' ilma.

Nies li kienu fil-viċin taw l-ewwel għajnuna u tim mediku wasal fi ftit ħin.

Il-mara ttieħdet l-Isptar Mater Dei permezz t’ambulanza fejn aktar tard hija ġiet iċċertifikata li sofriet ġrieħi serji.

L-investigazzjonijiet tal-Pulizija għadhom għaddejjin.