Raġel isofri minn ġrieħi gravi waqt li kien qed jagħmel xogħol b'chaser

Ilbieraħ, għall-ħabta tas-2:30 p.m il-Pulizija ġiet infurmata li kien hemm bżonn l-assistenza f’razzett fi Sqaq il-Kalkara, Ħad-Dingli.

Il-Pulizija marret minnufih fuq il-post u minn stħarriġ preliminari rriżulta li raġel ta’ 67 sena residenti Ħad-Dingli, kien qiegħed jaħdem b’chaser f’sular li jinsab taħt kostruzzjoni u weġġa’ idejh.

Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.

L-investigazzjonijiet mill-Pulizija għadhom għaddejjin