Raġel jaqa' minn fuq trakk u jsofri ġrieħi gravi ġewwa Raħal Ġdid

Illum, għall-ħabta 12:30 p.m, il-Pulizija ġiet infurmata li kien hemm bżonn l-assistenza fl-inħawi tal-Qasam Industrijali ta’ Kordin, Raħal Ġdid.

Il-Pulizija marret minnufih fuq il-post u minn stħarriġ preliminari rriżulta li raġel ta’ 48 sena residenti Ħal Qormi, weġġa’ wara li waqa’ minn fuq trakk waqt li kien qiegħed jgħabbi xi materjal.

Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.

L-investigazzjonijiet mill-Pulizija għadhom għaddejjin.