Raġel jinqabad fil-fatt jisraq dar fis-Swieqi; Arrestat raġel ieħor kompliċi miegħu
Il-Pulizija marret u sabet lir-raġel fir-residenza fi Triq il-Kejla, is-Swieqi
More in Kronaka
Il-Pulizija marret u sabet lir-raġel fir-residenza fi Triq il-Kejla, is-Swieqi
Ħidma konġunta bejn il-Pulizija tar-Rapid Intervention Unit u tad-Distrett ta' San Ġiljan, waslet għall-arrest ta’ żewġ persuni li matul il-lejl li għadda allegatament wettqu serqa minn residenzi privati fis-Swieqi.
Dalgħodu, fil-5:20am, il-Pulizija ġew infurmati li hemm persuna suspettuża li daħlet f’residenza fi Triq il-Kejla, is-Swieqi.
Il-Pulizija mir-Rapid Intervention Unit marru immedjatament fuq il-post fejn sabu raġel ta’ 24 sena u arrestawh. Irriżulta ukoll li l-istess persuna kienet involuta f’serqa oħra minn residenza fl-istess triq.
Minn tfittxija li saret fuqu, instabu diversi oġġetti ta’ valur u flus kontanti li nsterqu minn dawn ir-residenzi.
Il-persuna arrestata kienet ukoll fil-pussess ta’ sustanza suspettata droga.
Minn iktar investigazzjonijiet mill-Pulizija tad-Distrett, ġiet identifikata persuna oħra allegatament involuta f’dawn is-serqiet.
F’ħidma kordinata bejn tad-Distrett u RIU, ġie arrestat raġel f’residenza fil-Fgura. Waqt tfittxija li saret instabu oġġetti oħra li nsterqu mis- Swieqi.
Iż-żewġ irġiel barranin qegħdin jinżammu fil-lock-up tal-Pulizija fil-Kwartieri Ġenerali, il-Furjana.