Tard filgħaxija qrib nofs il-lejl fl-Imsida il-Pulizija ġiet infurmata li kien għadu kemm seħħ inċident tat-traffiku fi Triq il-Kunċizzjoni, l-Imsida.
Il-Pulizija tad-Distrett marret minnufih fuq il-post u minn stħarriġ preliminari rriżulta li żagħżugħ ta’ 19-il sena, residenti l-Fontana Għawdex, kien qiegħed isuq vettura tat-tip Volkswagen Golf meta għal xi raġuni tilef il-kontroll u kellu impatt ma’ ħajt.
Flimkien mas-sewwieq kien hemm ukoll żewġ passiġġiera nisa li għandhom 20 sena. Waħda minnhom li toqgħod il-Mellieħa, ittieħdet l-Isptar Mater Dei permezz ta’ ambulanza fejn ġiet iċċertifikata li qiegħda ssofri minn ġrieħi gravi filwaqt li l-passiġġiera l-oħra, li hija residenti l-Pieta`, weġġgħet ħafif.
Iż-żagħżugħ ta’ 19-il sena ma sofra l-ebda ġrieħi. Sadattant dalgħodu kmieni l-AFM bagħtet id-dgħajsa tagħha Melita 1marret tgħin passiġġier fuq il-cruise Ship Mein Schiff 2 fejn ittieħed bl-ambulanza l-isptar mater Dei.
.jpeg)
