Dalgħodu għall-ħabta tat-07:50, raġel ta’ 62 sena, residenti Ħ’Attard kien qed isuq rota, meta allegatament huwa żelaq fuq xi fuel li kien hemm mal-art.
L-inċident seħħ fi Triq il-Għajn, Dingli, fejn il-Pulizija marret mill-ewwel fuq il-post biex tistħarreġ il-każ.
Iċ-ċiklist ittieħed l-Isptar Mater Dei għall-kura medika, fejn iżjed tard ġie ċċertifikat li qed isofri minn ġrieħi gravi.
Fuq il-post issejjħu ukoll il-membri tal-Protezzjoni Ċivili sabiex jitneħħa kull periklu li seta’ kien hemm fit-triq.
Investigazzjonijiet mill-Pulizija tal-Għassa tar-Rabat għadhom għaddejjin.
