'Oqgħod attent għax malajr intajrulek rasek'
Ivan Grech Mintoff jirċievi messaġġ ta' theddida waqt il-programm tiegħu
Ivan Grech Mintoff mhedded waqt il-programm tiegħu
Ilbieraħ filgħaxija, waqt li kien qed imexxi l-programm tiegħu 'Exodus', fuq l-istazzjon F Living, il-preżentatur Ivan Grech Mintoff irċieva messaġġ ta' theddida b'SMS.
Il-Partit Alleanza Bidla, li tiegħu hu mexxej u fundatur, ikkundanna din it-theddida gravi li rċieva Grech Mintoff.
"Il-libertà tal-espressjoni hija dritt fundamentali tagħna. Ebda theddida mhu ħa twaqqafna milli nibqgħu nesprimu ruħna fuq suġġetti ta' importanza għas-soċjetà Maltija," tenna l-Partit Alleanza Bidla.
Il-Pulizija ġiet infurmata b'din it-theddida u l-każ qiegħed jiġi investigat.
Messaġġ ta' tħeddida lil Ivan Grech Mintoff
More in Kronaka
