Sewwieq ta' mutur fil-periklu tal-mewt wara inċident f'Għawdex

Raġel ta’ 66 sena mix-Xewkija Għawdex jinsab fil-periklu li jitlef ħajtu wara li kien involut f’inċident bejn il-mutur li kien qed isuq u vann.

L-inċident seħħ għall-ħabta tas-7:30am fi Triq l-Imġarr fix-Xewkija.

Mill-investigazzjonijiet tal-pulizija, ħareġ li kemm il-vann u anke l-mutur kienu qed jinstaqu fl-istess direzzjoni, iġifieri lejn il-Port tal-Imġarr.

Il-vann kien qed jinstaq minn raġel ta’ 55 sena mir-Rabat, Għawdex.