L-Amerka tipprojbixxi lil uffiċjali Palestinjani milli jattendu l-Assemblea Ġenerali tal-UN

Id-Dipartiment tal-Istat Amerikan qal il-Ġimgħa filgħodu li ħa jirrevoka u jirrifjuta viżas ta' uffiċjali Palestinjani li huma parti mill-Palestine Liberation Organization u l-Palestinian Authority xahar qabel l-Assemblea Ġenerali tal-Ġnus Maqgħuda (UN) fi New York.

Fost dawk li ġew rifjutati li jidħlu l-Amerka hemm Mahmour Abbas, il-President tal-Palestina, flimkien ma' 80 uffiċjal oħra li kellhom il-viża tagħhom revokatha. 

Is-Segretarju tal-Istat Amerikan Marco Rubio dawwar il-biċċa fuq l-uffiċjali stess fejn qali li dan tort tagħhom għaliex huma ma bdewx jieħdu bis-serjeta' l-attentati għal paċi. Din id-deċiżjoni, li ġiet milqugħa mill-Iżrael, hi waħda mhux tas-soltu hekk kif dejjem tkun mistennija li l-Istati Uniti jakkomodaw l-ivjaġġar ta' kull uffiċjal li jixtieq jattendi għal din l-Assemblea.

L-uffiċju tal-president Palestinjan qal li għadha mistaġbha b'din id-deċiżjoni li skontha tmur kontra liġijiet internazzjonali u l-UN Headquarters Agreement, speċjalment hekk kif l-Istat Palestinjan huwa membru osservatur tal-UN, u ħeġġet lill-Amerka sabiex tmur lura minn din id-deċiżjoni.

Dan il-pass strateġiku minn naħa tal-Amerka sar wara numru ta' pajjiżi, inkluż Malta u Franza, stqarru li se jirrikonoxxu l-Istat Palestinjan waqt l-Assemblea Ġenerali tal-UN f'Settembru, pass li dejjaq l-Amministrazzjoni ta' Trump.