Kerċem Ajax ta’ taħt it-8 u 9 sena jirbħu t-Trofeo dell’Etna f’Sqallija

Is-subien taħt it-8, id-9 u l-11 -il sena fin-nursery ta’ Kerċem Ajax ikkompetew fit-Trofeo dell’Etna organizzat fi Sqallija matul din il-ġimgħa.

It-tfal ta’ taħt it-8 snin u ta’ taħt id-9 snin, rebħu l-kategorija rispettiva tagħhom filwaqt li fil-kategorija ta’ taħt il-11 -il sena, Kerċem temmew fit-tielet post.

Din kienet l-ewwel darba li klabb minn Għawdex rebaħ tournament ta’ din ix-xorta filwaqt li għall-ewwel darba klabb Malti ħareġ rebbieħ f’żewġ kategoriji.