Gladiator II jiddomina l-lista tal-aqwa 10 films f’Malta għall-2024, KRS Releasing tiżvela
Riċerka ppubblikata minn KRS żvelat il-popolarità tal-films f’Malta għas-sena 2024, bil-maġġoranza tal-lista tal-aqwa 10 magħmula minn sequels jew adaptazzjonijiet
minn Marianna Calleja
Riċerka ppubblikata minn KRS żvelat il-popolarità tal-films f’Malta għas-sena 2024, bil-film "Gladiator II" jieħu l-ewwel post bħala l-aktar produzzjoni segwita tal-pajjiż. Din is-segwela, li kienet ukoll ċentru ta’ kontroversja f’dawn l-aħħar ġimgħat, kompliet tiġbed l-attenzjoni tal-pubbliku kemm lokali kif ukoll internazzjonali.
Filwaqt li "Gladiator II" kompla jikseb suċċess kbir fis-swali taċ-ċinema Maltin, oħrajn bħal "Deadpool & Wolverine" u "Inside Out 2" żammew posthom fil-quċċata grazzi għal narrattivi popolari u cast magħrufin.
Interessanti wkoll huwa l-fatt li l-maġġoranza tal-lista tal-aqwa 10 hija magħmula minn sequels jew adaptazzjonijiet, bħal "Wicked", "Moana 2", u "Paddington in Peru", films li għadhom qed jiġu mxandra fuq il-lożor taċ-ċinema. Dawn il-produzzjonijiet komplew iżidu mal-passjoni tal-pubbliku Malti għal films li jgħaqqdu nostalġija ma’ storja ġdida.
Id-dħul ta’ "Wonka" u "It Ends With Us" fil-lista jenfasizza wkoll id-diversità fl-għażliet tal-udjenzi, waqt li "Dune: Part 2" żamm postu fost l-aktar films ambizzjużi li għamlu impressjoni, xi ħaġa li qed tkun innotata anke globalment.
Il-lista tal-aqwa 10 films f'Malta 2024 hija din:
- *Gladiator II
- Deadpool & Wolverine
- Inside Out 2
- Despicable Me 2
- *Wicked
- *Moana 2
- It Ends With Us
- Wonka
- *Paddington in Peru
- Dune: Part 2*
* Films li għadhom qed jintwerew.
