Id-Dukessa ta’ Cambridge twelled tifla

Ftit tal-ħin ilu Kate Middleton welldet it-tieni tarbija tagħħa - tifla. Rapport li ħarġu ftit tal-ħin ilu mill-medja ngliża jgħidu li kemm id-Dukessa u kemm it-tifla jinsabu tajbin.

Aktar Kmieni:

Id-Dukessa ta’ Cambridge iddaħlet bikri l-isptar matul il-lejl li għadda fejn hi mistennija twelled it-tieni tarbija tagħha fil-ħin li ġej.

Kate Middleton iddaħlet fl-istess sptar li fih welldet lill-Prinċep George li huwa l-eredi, wara missieru William u nannuh Charles għat-Tron Ingliż.

Uffiċjali qalu li kemm id-Dukessa u anke l-Prinċep William, għadhom ma jafux jekk hux se jkollhom tifel jew tifla.