Raġel fuq mutur imut f’inċident ma’ vann tal-iskola

Raġel ta’ 57 sena residenti l-Mosta miet it-Tnejn filgħodu wara li kien involut f’inċident tat-traffiku fl-istess lokalità.

15 ta' Diċembru 2025 10:15
minn Ilenia Debono

L-inċident seħħ għall-ħabta tas-7am fi Vjal il-Qalbiena Mostin. Skont l-ewwel investigazzjonijiet, il-ħabta kienet tinvolvi vann Ford Transit misjuq minn raġel ta’ 65 sena residenti Ħad-Dingli u mutur KTM misjuq mill-vittma.

Is-sewwieq ingħata l-ewwel għajnuna minn tim mediku fuq il-post u ttieħed l-Isptar Mater Dei b’ambulanza, fejn aktar tard ġie ċċertifikat mejjet.

Żewġ minorenni li kienu passiġġieri fil-vann ma ġarrbux ġrieħi, filwaqt li x-xufier tal-vann ittieħed fl-eqreb ċentru tas-saħħa wara li sofra xokk.

Il-Maġistrat Monica Borg Galea ġiet infurmata bil-każ u ħatret inkjesta maġisterjali.

L-investigazzjonijiet tal-pulizija dwar dan l-inċident għadhom għaddejjin.

Ilenia hija studenta universitarja li qed tiffoka l-istudji tagħha fuq l-ekonomija, il-po...

More from Ilenia Debono Ilenia on Linkedin

Raġel fuq mutur imut f’inċident ma’ vann tal-iskola

Raġel ta’ 57 sena residenti l-Mosta miet it-Tnejn filgħodu wara li kien involut f’inċident tat-traffiku fl-istess lokalità.

Seduta tal-Qorti sospiża wara li akkużat irriżulta li għandu t-tuberkulożi

Raġel akkużat li stupra tifla ta’ ħames snin

Raġel bla saqaf fuq rasu miċħud il-ħelsien mill-arrest wara allegat użu ta' karti bankarji misruqa fis-supermarkets

Raġel jammetti li aggredixxa lil ommu waqt argument tal-familja u jingħata probation