Raġel jitlef ħajtu fl-Imġarr

Raġel ta’ 50 sena mir-Rabat tilef ħajtu nhar it-Tlieta wara li waqa’ madwar żewġ sulari fid-Dwejra, fl-Imġarr, wara li t-trakk li kien fuqu ġarrbu xi ħsarat tekniċi.

L-inċident seħħ għall-ħabta tas-1:15pm, meta fuq il-post issejjaħ tim mediku flimkien mal-Protezzjoni Ċivili biex jassistu lill-vittma. Madankollu, ir-raġel ġie ċċertifikat mejjet fuq il-post.

Il-Maġistrat Monica Borg Galea ġiet infurmata bil-każ u ħatret inkjesta sabiex jiġu stabbiliti ċ-ċirkustanzi tal-inċident. Il-Pulizija qalet li l-investigazzjonijiet tagħha għadhom għaddejjin