Żewġ persuni l-isptar wara inċident viċin l-Università ta’ Malta

Żewġ persuni ttieħdu l-isptar wara li seħħ inċident tat-traffiku viċin l-Università ta’ Malta nhar il-Ġimgħa.

Il-Pulizija rrappurtat li l-inċident seħħ madwar nofsinhar. Skont l-investigazzjonijiet preliminari vettura Isuzu D-Max ħabtet ma’ Toyota IQ.

Raġel u mara ġew immedjatament mehudin l-isptar, iżda l-kundizzjoni tagħhom għadha mhix magħrufa.