Raġel jitlef ħajtu waqt li kien qed jgħum f'Kemmuna

Raġel Taljan tilef ħajtu nhar l-Erbgħa wara nofsinhar waqt li kien qed jgħum f’Kemmuna.

Il-Pulizija qalet li għall-ħabta tas-1:30 p.m., il-vittma sab ruħu f’diffikultà. Fuq il-post ingħata l-ewwel għajnuna mill-membri tal-Emergency Response and Rescue Corps (ERRC) u wara ttieħed lejn il-Port tal-Imġarr.

Minn hemm, ambulanza ħaditu lejn l-Isptar Ġenerali t’Għawdex, iżda ftit wara ġie ċċertifikat mejjet.

Il-Maġistrat Brigitte Sultana fetħet inkjesta maġisterjali dwar il-każ, filwaqt li l-investigazzjonijiet tal-Pulizija għadhom għaddejjin.