Raġel iġarrab ġrieħi gravi wara ħabta fil-Gudja

Raġel ta' 23 sena mill-Gudja iġarrab ġrieħi gravi l-Erbgħa filgħaxija wara ħabta bejn mutur u karozza fi Triq Dawret il-Gudja.

Il-Pulizija maret fuq il-post għall-ħabta tas-6:30pm. Minn stħarriġ preliminari saru jafu li l-ħabta kienet bejn karozza tal-għamla Honda Fit li kienet misjuqa minn raġel ta' 64 sena minn Santa Luċija u mutur tal-għamla Kawasaki Ninja misjuq minn raġel ta' 23 sena mill-Gudja.

Issejħet ambulanza flimkien ma' tim mediku fuq il-post li ħadu s-sewwieq tal-mutur l-isptar fejn ġiet ċċertifikat li r-raġel ta' 23 sena ġarrab ġrieħi gravi.

Il-Pulizija għadha għaddejja bl-investigazzjonijiet.