Eric Borg il-vittma tal-ewwel delitt tas-sena, Pulizija jarrestaw l-allegat aggressur
Eric Borg ta' 27 sena intlaqat minn żewġ tiri wara argument fir-Rabat
minn Luigi Sghendo
Eric Borg ta' 26 sena inqatel wara argument li spiċċa fi sparatura, it-Tnejn waranofsinhar fi Triq Fidloqqom ir-Rabat. Huwa kien sewwieq tat-taxi.
Għall-ħabta tat-3:28 pm, l-awtoritajiet ġew innotifikati li nstemgħu żewġ tiri, bix-xhieda fuq il-post jgħidu li kien hemm raġel mixħut mal-art. Huwa ġie ċċertifikat mejjet mill-infermiera.
Minnufih il-Pulizija waslu fuq il-post u wara operazzjoni ta’ tfittxija ta' tliet siegħat, ġie arrestat raġel li allegatament spara fuq il-vittma.
It-triq fil-viċinanzi tan-Nigret fir-Rabat ġiet magħluqa hekk kif il-pulizija qed tkompli bl-investigazzjonijiet.
Il-Maġistrat Charmaine Galea qed tmexxi inkjesta.
Dan l-inċident jimmarka l-ewwel omiċidju tas-sena l-ġdida.
.jpeg)
