Raġel ta’ 47 sena residenti l-Qrendi, għal xi tmienja neqsin kwart ta’ filgħodu, ittieħed l-Isptar Mater Dei wara inċident tat-traffiku fi Triq Tal-Barrani, iż-Żejtun.
Minn stħarriġ preliminari rriżulta li l-vittma intlaqat minn karozza li kienet qed tinstaq minn raġel ta’ 26 sena residenti n-Naxxar.
Il-vittma ngħata l-għajnuna minn tim mediku, ittieħed l-isptar b’ambulanza fejn ġie ċċertifikat li weġġa’ serjament.
Bil-każ ġie infurmat il-Maġistrat tal-Għassa Martin Farrugia li ordna li ssir inkjesta.
L-investigazzjonijiet tal-Pulizija għadhom għaddejjin.
