Raġel ta’ 62 sena wieġeb li mhux ħati li weġġa’ lir-raġel ta’ oħt il-mara f’inċident li seħħ ix-xahar li għadda.
Ir-raġel, li m’għandux indirizz fiss fejn joqgħod, deher quddiem il-Maġistrat Abigail Critien l-Erbgħa, fejn ġie akkużat li kkawża ġrieħi gravi b’instrument ippuntat u li jaqta’ lil raġel ieħor, filwaqt li kien qiegħed iġorr fuqu sikkina mingħajr permess.
L-Inspettur Roderick Attard spjega li fis-17 ta’ Ottubru, l-għassa tal-pulizija tal-Mosta irċeviet rapport li kien hemm ġlieda f’appartament. Uffiċċjali marru fuq il-post u skoprew li l-akkużat kien weġġa’ lir-raġel ta’ oħt il-mara. Il-ġrieħui kkawżati ġew ċċertifikati bħala ġrieħi ħfief.
Ir-raġel wieġeb mhux ħati għall-akkużi. Id-difiża ma talbitx għall-ħelsien mill-arrest, iżda minflok talbet li l-akkużat jinżamm Mount Carmel biex jirċievi l-kura meħtieġa.
Il-persekuzzjoni ma oġġezzjonatx għal din it-talba.
