L-avukati tal-eks kap tal-OPM Keith Schembri sostnew li d-dritt tiegħu għal smigħ tal-kawża inkiser u talbu li jitneħħa l-mowbajl tiegħu mill-evidenza. Il-mowbajl li kien sparixxa għal ġimgħat, reġa’ tfaċċa f’każ seperat.
Fir-rikors kontra l-Avukat Ġenerali, il-Kummissarju tal-Pulizija u r-Reġistratur tal-Qrati u Tribunali Kriminali, Schembri talab li l-mowbajl jitneħħa mill-provi u sostna li kien hemm motiv ħażin wara dan.
Il-każ kontra Schembri, missieru Alfio Schembri u Robert Zammit u Malcolm Scerri kien ilu ġimgħat wieqaf mentri li l-Avukat Ġenerali kien qed jaħsibha għandux jakkużahom fil-Qorti Kriminali jew jibgħat il-każ quddiem il-Qorti tal-Maġistrati għas-sentenza.
F'seduta ta' ġimgħat ilu, il-Maġistrat Donatella Frendo Dime li ħadet ħsieb il-kumpilazzjoni tal-provi fil-każ tal-ħasil ta’ flus, ġiet infurmata mill-avukat tal-prosekuzzjoni li l-mowbajl ta' Schembri, li kien inġabar bħala evidenza, ma kienx qiegħed fil-fajl.
Il-maġistrat ordna lill-espert tal-qorti li kien eżamina l-mowbajl biex jixhed bit-tama li jinstab l-apparat nieqes, iżda l-espert qal li ma jafx x’sar mill-mowbajl wara l-eżaminazzjoni.
Skont l-applikazzjoni, il-Maġistrat Frendo Dimech qalet li se tkun qed titlob inkjesta maġisterjali dwar l-għajbien tal-mowbajl, iżda mbagħad pposponiet is-seduta fil-qosor sabiex tfittex il-mowbajl.
Ftit wara, l-avukati ta’ Schembri ġew infurmati li l-mowbajl instab f’fajl seperat fil-kawża kontra d-diretturi ta’ Zenith Finance, Matthew Pace u Lorraine Falzon.
L-avukati ta’ Schembri irrimarkaw iżda li r-rekords tal-każ Zenith kienu diġà ntbagħtu l-Qorti Kriminali dak iż-żmien peress li Pace u Falzon kienu ħadu din id-deċiżjoni.
Il-Maġistrat Frendo Dimech kien iddetta minuta wara li nstab il-mowbajl u indirizza lill-Ministru tal-Ġustizzja għal irresponsabilità fil-ħażna tal-provi u ddeskrivieha bħala xi ħaġa tal-mistħija.
L-għajbien tal-mowbajl u s-sejba tiegħu qajmet suspetti ta’ x’verament seta’ ġara wara l-kwinti, filwaqt li l-għajbien tal-mowbajl qajjem dubbji dwar il-kustodja ta’ evidenza.
L-avukati saħqu li dak li ġara kien ħafna agħar milli biss amministrazzjon ħażina, iżda kienet xi ħaġa illegali possibilment kriminali.
Intalab li jitneħħa l-mowbajl bħala parti ta’ evidenza , u kif ukoll il-Qorti ntalbet tiddikjara li Schembri sofra ksur tad-drittijiet tiegħu u tagħti danni morali jew tieħu l-passi meħtieġa.
Iżda l-avukati ta’ Schembri osservaw li ftit wara dak l-inċident, avukati li jirrappreżentaw terza persuna mhux isem fi proċedimenti kriminali separati ressqu rikors quddiem il-Qorti Kriminali għal awtorizzazzjoni biex jitolbu li t-telefon ta’ Schembri jiġi esebit bħala prova f’dawk il-proċeduri separati.
Dan huwa t-tieni inċident fejn intf il-mowbajl ta’ Schembri; l-ewwel darba kien fil-ħin tal-arrest tiegħu f’Novembru tal-2019 b’rabta mal-qtil ta’ Daphne Caruana Galizia.
.jpeg)
