L-akkużi kontra Mohamed Elmushraty,magħruf bħala l-Lilu King, miġjuba ‘quddiem il-Qorti, ġew irtirati l-Ħamis.
Lilu King jinsab taħt kustodja wara li huwa mixli b’akkużi ta’ ħasil tal-flus, evazzjoni tat-taxxa u li wettaq reati kriminali.
F’Ottubru 2022, inqala’ argument f’stabbiliment f’Portomaso fuq siġġu li wassal għal attakk fuq il-mara. Il-mara qalet lill-Pulizija li wara li reġgħet lura għal fejn kienet bilqegħda, issib lil Elmushraty minflokha.
Fl-argument intaqlu’ xi kummenti dwar ir-reati kriminali li kellu x’jaqsam fihom Elmushraty, li wassluh biex jagħti daqqa f’wiċċ il-mara u kif ukoll ta daqqa ta’ ponn lil raġel.
Fil-Qorti il-Ħamis tħabbar li l-parte civile u id-defendent wasslu għall-ftehim.
L-avukat Franco Debono stqarr li Elmushraty se jagħti apoloġija u wiegħed li ma jerġax idejjaqha fil-futur. B’riżultat ta’ dan il-mara irtirat l-akkużi kontra Elmushraty.
.jpeg)
