Arrestat fi triqtu lejn Malta minn Sqallija fil-pussess ta' 18-il kg marijuana

Malti ta’ 40 sena ġie arrestat fil-port ta’ Pozzallo fi Sqallija, wara li fil-karozza tiegħu nstabu ftit inqas minn 18-il kg marijuana.

Il-ġurnal La Sicilia rrapporta kif uffiċjali tad-dwana u aġenziji tal-infurzar tal-liġi Sqallin fittxew fil-karozza bil-pjanċi Maltin li kienet se timbarka biex tmur Malta u bis-saħħa tal-għajnuna tal-klieb, fil-karozza nstabu 143 borża bi 17.74kg marijuana.

Il-Malti ġie arrestat u qed jinżamm il-ħabs f’Ragusa filwaqt li d-droga u l-karozza ġew ikkonfiskati.