Raġel ta' 49 sena milqut f'dahru fi sparatura u l-aggressur jaħrab minn fuq il-post

Il-Kelliem tal-pulizija spjega kif il-vittma intlaqat f'dahru u għalhekk ittieħed l-Isptar għal kura

19 t'Awwissu 2022 13:12
minn Marianna Calleja

Ritratt ta' Luke Vella

Illum waranofsinhar, raġel ta' 49 sena ġie midrub, bl-aggressur jaħrab minn fuq il-post. L-inċident seħħ ġewwa farmhouse f'Wied Ħażrum, fil-limiti bejn Ħad-Dingli u l-Imtaħleb.

Il-Kelliem tal-pulizija, Brandon Pisani, spjega kif il-vittma intlaqat f'dahru. Qal ukoll li r-relazzjoni bejn l-aggressur u l-vittma għadha ma ġietx identifikata iżda l-vittma jgħix fl-istess residenza.

Fuq il-post issejjaħ tim mediku biex jassisti lill-vittma u minn hemm ġie trasportat għall-isptar Mater Dei.

Il-Pulizija marret ukoll fiż-żona biex tibda' t-tfittxija għall-aggressur li jaf għadu armat.

Aktar informazzjoni dwar dan il-każ fil-ħin għadha trid tingħatha iżda l-pulizija tal-forensika għadhom fuq il-post.

Raġel ta' 49 sena milqut f'dahru fi sparatura u l-aggressur jaħrab minn fuq il-post

Il-Kelliem tal-pulizija spjega kif il-vittma intlaqat f'dahru u għalhekk ittieħed l-Isptar għal kura

Raġel akkużat illi abbuża minn tifel ta' ħames iżda jisħaq li din akkuża malizzjuża frott l-għira ta' missier it-tifel

Rosianne Cutajar tgħid li ħasset ħajjitha mhedda bil-kummenti fuq Facebook ta' Mark Camilleri

'Is-sistema ġudizzjarja u l-infurzar għadhom 'il bogħod milli joffru protezzjoni kontra l-vjolenza domestika'

Raġel akkużat li qabbad il-bieb tad-dar tal-eks sieħba tiegħu