Titlaq tiġri b'iPad ta' konsulent fl-isptar Mater Dei

Il-mara wieġbet ħatja u ngħatat sentenza ta’ sentejn ħabs sospiżi għal erba’ snin

Mara li tressqet il-Qorti akkużata li serqet iPad ta’ konsulent f’Mater Dei ngħatat sentenza ta’ sentejn ħabs sospiżi għal erba’ snin.

Il-mara, li għandha 59 sena, kienet akkużata li serqet il-baskett tal-konsulent u anke l-iPad tiegħu minn lift l-Isptar Mater Dei.

Fil-Qorti nstema’ kif il-mara ppruvat tbigħ l-iPad.

Il-Prosekuzzjoni akkużata wkoll li ppruvat tkun reċidiva. Hija wieġbet mhux ħatja għal din l-akkuża.

Meta l-Prosekuzzjoni waqqgħet din l-akkuża, il-mara wieġbet li kienet ħatja għall-akkużi l-oħra marbuta ma’ serq.

Fil-Qorti ntwera wkoll filmat minn CCTV li juri l-mara titlaq tiġri bl-Ipad tal-konsulent.

Anke jekk ammettiet l-akkużi, l-istess mara ma riditx li tingħata għajnuna legali.

 

More in Qrati u Pulizija