Karkariża tittajjar waqt li kienet qed taqsam it-triq

Mara ta’ 59 sena tittieħed l-Isptar Mater Dei ssofri minn xi ġrieħi wara li tittajjar minn vettura fil-Ħamrun

6 ta' Novembru 2015 14:11

Mara ta’ 59 sena minn Birkirkara ttieħdet l-Isptar Mater Dei dalgħodu wara li soffriet xi ġrieħi waqt li kienet qed taqsam it-triq fil-Ħamrun.

Kelliem għall-Pulizija qal li l-inċident seħħ għall-ħabta tad-9:20 ta’filgħodu fi Triq il-Kbira San Ġużepp kantuniera ma’ Triq Schembri. Mill-ewwel stħarriġ jirriżulta li l-mara ttajret minn vettura tat-tip Toyota Belta li kienet qed tinstaq fid-direzzjoni ta’ Blata l-Bajda.

Mad-daqqa, l-mara taret ftit metri u soffriet xi ġrieħi f’ rasha.

Fuq il-post issejħet ambulanza li ħadet lill-mara l-Isptar Mater Dei għall-iktar kura. Il-kundizzjoni tagħha għadha mhix magħrufa iżda ma tinsabx fil-periklu tal-mewt.

Il-karozza kienet misjuqa minn mara ta’ 53 sena minn San Pawl il-Baħar.

Karkariża tittajjar waqt li kienet qed taqsam it-triq

Mara ta’ 59 sena tittieħed l-Isptar Mater Dei ssofri minn xi ġrieħi wara li tittajjar minn vettura fil-Ħamrun

Iben George Degiorgio jingħata l-ħelsien mill-arrest fuq akkużi marbuta ma’ 27kg droga

Ħames persuni arrestati f’żewġ investigazzjonijiet separati dwar allegat traffikar ta’ droga

Jitwaqqfu proċeduri ta’ vjolenza domestika kontra Nazzareno Dalli fuq talba tal-eks sieħba tiegħu

Miċħud il-ħelsien mill-arrest għal raġel akkużat li hedded lill-eks sieħba tiegħu u kiser ordni ta’ protezzjoni