Robert Cutajar magħżul bħala Segretarju tal-Grupp Parlamentari Nazzjonalista

F’laqgħa tal-Grupp Parlamentari li saret it-Tlieta filgħaxija, Robert Cutajar ġie magħżul bħala s-Segretarju tal-Grupp Parlamentari Nazzjonalista.

Fl-istess laqgħa l-grupp Parlamentari għażel ukoll it-tlettax-il rappreżentant tiegħu sabiex ikunu r-rappreżentanti bil-vot fil-kumitat eżekuttiv tal-Partit Nazzjonalista.

It-tlettax-il membru huma kif ġej: Darren Carabott, Jerome Caruana Cilia, Julie Zahra, Janice Chetcuti, Ian Vassallo, Ivan Castillo, Ryan Callus, Alex Borg, Rebekah Cilia, Karol Aquilina, Paula Mifsud Bonnici u Ivan Bartolo.  Charles Azzopardi u Graziella Galea se jkunu qed jaqsmu t-terminu bejniethom minħabba li ġabu l-istess ammont ta’ voti.

Il-proċess fi ħdan il-Partit Nazzjonalista issa jkompli wkoll b’laqgħa tal-Kumitat Eżekuttiv li eventwalment issejjaħ Kunsill Ġenerali aktar tard dan ix-xahar.