Jidher illi l-miżuri tal-għeluq ta' negozji u restrizzjonijiet oħrajn qed iħallu l-frott hekk kif in-numru ta' każi ġodda ta' Covid-19 niżel fl-aktar livelli baxxi f'ġimgħat b'67 każ ġdid minn total ta' 2,356 swab test. Dan filwaqt li fiequ 323 persuna, biex issa t-total ta' każi attivi niżel għal taħt l-2,000 - preċiżament 1,402.
It-total ta' dożi tal-vaċċin mogħtija baqa' tiela' wkoll għal 176,612, b'50,557 jieħdu t-tieni doża wkoll.
Sfortunatament iżda mietu żewġ anzjani oħra li kienu pożittivi: Anzjan ta' 74 sena u ieħor ta' 71 sena. Dan ifisser li t-total ta' persuni li tilfu ħajjithom waqt li kienu pożittivi għall-Covid-19 issa tela' għal 387.