Ifiqu 60 pazjent bil-Covid-19; Irreġistrati 42 każ ġdid fl-aħħar 24 siegħa

Mill-bieraħ għal-lum 60 pazjent bil-Covid-19 ġew iddikjarati mfejqa filwaqt li feġġew 42 każ ġdid.

B'kollox, ilbieraħ, saru 2,444 test u issa l-għadd tal-każi attivi huwa ta' 658.

Mill-bieraħ għal-lum mietu wkoll żewġ anzjani, wieħed ta' 84 sena u wieħed ta' 86.

Intant, mill-każi mħabbra lbieraħ, kien hemm erba' każi oħra minn djar tal-anzjani, tnejn minn Residenza San Ġużepp u tnejn minn Casa Antonia.

Kien hemm ukoll 11-il każ fost qraba ta' pazjenti, tlieta li kellhom kuntatt dirett ma' persuni pożittivi għall-virus, ħames kollegi, każ minn ġemgħat u każ ieħor importat.