L-Assoċjazzjoni Medika Maltija (MAM) iddeċidiet li minn għada se jibdew azzjonijiet industrijali, imħabbrin minnu u dan hekk kif il-każi ta' Covid-19 komplew jiżdiedu fl-aħħar sigħat b'16-il immigrant ieħor, mill-aħħar grupp li wasal Malta, jirriżultaw fil-pożittiv u għexieren ta' Maltin ukoll jirriżultaw fil-pożittiv fl-aħħar ġimgħa. L-akbar clusters sa issa huma dawk tal-party li sar fil-lukanda Radisson, il-festa ta' Santa Venera u każi minn Paceville.
Id-direttivi fl-Isptar Mater Dei:
1 - L-appuntamenti kollha fl-Oupatients se jkunu posposti. Din id-direttiva ddum għaddejja ġimgħa
2 - L-operazzjonijiet elettivi - jiġifieri operazzjonijiet li mhumiex ta' urġenza kbira - se jkunu posposti wkoll
3 - Ultrasounds elettivi huma posposti minn għada wkoll
4 - It-tobba kollha vulnerabbli ma jaħdmux fuq il-frontline u għandhom jirrapportaw għal xogħol amministrattivi u telefoniċi
5 - It-tobba kollha fl-Emerġenza huma eżenti mid-direttivi.
Id-direttivi fiċ-Ċentri tas-Saħħa:
1 - It-42 Klinika fil-Komunità se jibqgħu magħluqin u mhu se jkun hemm ebda tobba. Id-direttiva se ddum fis-seħħ ġimgħa.
2 - Iċ-ċentri tas-Saħħa ikolhom desk minn fejn jaħdmu t-tobba. Din id-direttiva ddum għaddejja ġimgħa.
3 - Nhar is-Sibt 8 u l-Ħadd 9 ta' Marzu lċ-ċentri tas-saħħa li se jibgħu miftuħin huma tal-Mosta, Furjana, Raħal Ġdid u Għawdex.
4 - It-tobba kollha jridu jilbsu ilbies protettiv f'żoni kliniċi
5 - L-appuntamenti kliniċi ta' konsultazzjoni medika u dawk tad-dijabete se jiġu posposti
6 - It-tobba kollha vulnerabbli għandhom jirrappurtaw għax-xogħol amministrattiv u telefoniku
Għawdex
1 - Minn għada s-6 ta' Awwissu, l-appuntamenti kollha tal-Outpatients fl-Isptar Ġenerali ta' Għawdex se jiġu posposti. Id-direttiva se ddum ġimgħa. Dawk it-tobba fl-Onkoloġija, Psikjatrija, Ġerjatrija u Pedjatrija huma eżenti.
2 - Il-Bereġ se jibqgħu magħluqin
3 - Appuntamenti mhux urġenti se jkunu posposti