Storja ta' qsim il-qalb bħalissa qed iddur fuq is-siti tal-aħbarijiet Ingliżi ftit wara li Eloise Parry, tfajla ta' 21 sena minn Shrewsbury bi storja twila ta' bulimja, ħalliet din id-dinja wara li belgħet numru ta' pirmli biex tirqaq, li jagħmlu ħafna ħsara. ftit wara mewtha kien żvelat messaġġ li bagħtet lill-letturi tagħha li kien jgħid hekk "naħseb għamilt żball kbir u wasalt biex immut". Sfortunatament ftit siegħat wara ħalliet din id-dinja.
Fl-ewwel kummenti lill-midja ommha Fiona qalet li d-dehra "qatt m'għandha tiġi għad-detriment tas-saħħa jew tal-ħajja".
Kien inutli li t-tobba pruvaw kemm setgħu biex jsalvaw lil Parry għax sfortunatament il-pirmli li ħadet kienu għoljin fil-kontenut tossiku tagħhom. Fil-fatt dawn kien fihom id-Dinitrophenol.
Din it-tfajla fil-messaġġ li bagħtet fl-aħħar mumenti ta' ħajjitha fil-messaġġ spjegat kif hi għamlet lejl sħiħ tiekol u taqla l-ikel li tkun kielet biex imbagħad ħadet erba' pilloli, imbagħad ħadet erbgħa oħra x'ħin qamet. Minn hemm bdiet tirremetti sakemm ħakmitha l-biża u saqet sal-isptar. Mewtha ftit wara ħalliet lil bosta f'xokk u rabja, mhux l-inqas lill-ġenituri tagħhom b'ħafna Ingliżi jesprimu l-kondoljanzi tagħhom.
.jpeg)
