Jiftaħ il-Parlament hekk kif tibda l-15-il leġiżlatura

Id-deputati parlamentari bdew jaslu fil-Belt Valletta biex jattendu quddiesa li timmarka l-ftuħ uffiċjali tal-15-il leġiżlatura sa minn meta Malta kisbet l-Indipendenza.

Il-ftuħ tal-Parlament qed iseħħ biss 21 jum wara l-elezzjoni ġenerali tat-30 ta’ Mejju, l-iqsar perjodu li qatt għadda bejn elezzjoni ġenerali u l-bidu ta’ leġiżlatura ġdida.

Qabel il-bidu tas-seduta parlamentari, il-Prim Ministru Robert Abela sostna li l-gvern huwa lest biex jibda jimplimenta l-programm tiegħu mingħajr dewmien.

“Se nibdew naħdmu mill-ewwel,” qal Abela, filwaqt li enfasizza l-intenzjoni tal-Kabinett li jwettaq il-prijoritajiet leġiżlattivi tiegħu kemm jista’ jkun malajr.

Għall-quddiesa attendew il-Prim Ministru flimkien ma’ martu Lydia Abela, il-Kap tal-Oppożizzjoni Alex Borg akkumpanjat minn Sarah Bajada, kif ukoll deputati minn naħa tal-gvern u tal-oppożizzjoni.

Wara l-quddiesa, id-deputati eletti mistennija jieħdu l-ġurament tal-ħatra tagħhom fil-Kamra tad-Deputati.

Matul is-seduta tal-lum, Carmelo Abela mistenni jinħatar Speaker tal-Kamra tad-Deputati, filwaqt li Bernard Grech se jokkupa l-kariga ta’ Deputy Speaker.