Sewwieq ta' mutur żagħżugħ iweġġa' f'inċident tat-traffiku

Żagħżugħ iddaħħal Mater Dei wara li ttajjar waqt li kien qiegħed isuq mutur.

Il-każ seħħ ilbieraħ fi Triq l-Imdina, f’Birkirkara.

Mill-ewwel stħarriġ jirriżulta li ż-żagħżugħ li għandu 24 sena, ittajjar minn anzjan ta’ 72 sena li kien qed isuq karozza.

Iż-żagħżugħ ittieħed Mater Dei u ġie ċċertifikat li qed isofri minn ġrieħi gravi.

L-investigazzjonijiet tal-Pulizija għadhom għaddejin.