Jiġu fl-idejn ġo residenza privata f'Ħaż-Żabbar u jispiċċaw it-tnejn l-isptar

Ilbieraħ, għall-ħabta tal-10:00.p.m, il-Pulizija intalbet għall-għajnuna għax seħħ argument bejn żewġ persuni f’residenza fi Triq il-Biċċieni, Ħaż-Żabbar.

Il-Pulizija marret immedjatament fuq il-post u mill-ewwel investigazzjonijiet irriżulta li żewġt irġiel, ta’ 37 sena u 40 sena kellom argument bejniethom u ġarrbu xi ġrieħi.

Iż-żewġt irġiel ittieħdu għall-kura fl-Isptar Mater Dei u aktar tard huma ġew iċċertifikati bi ġrieħi gravi.

L-investigazzjonijiet mill-Pulizija tad-Distrett għadhom għaddejjin.