Żagħżugħ jinqabad bi droga kokaina lesta għat-traffikar

Żagħżugħ ta' 27 sena, li jgħix il-Ħamrun, ġie arrestat mill-Pulizija wara li nqabad b’ammont ta’ droga, lesta għat-traffikar.

Huwa twaqqaf mill-Pulizija waqt li kien qiegħed isuq il-vettura tiegħu f’Ħal Qormi.

Waqt tfittxija, fil-vettura nstabet sustanza suspettata droga kokaina lesta biex tiġi ttraffikata u kważi €5,000 fi flus kontanti.

Il-Maġistrat tal-Għassa Ian Farrugia ġie infurmat bil-każ u ħatar inkjesta.

Iż-żagħżugħ mistenni jitressaq il-Qorti illum, għal ħabta tal-ħdax ta’ filgħodu.