Isofri ġrieħi gravi wara li qala' daqqa ta' siġġu

Raġel ta' 38 sena qed isofri minn ġrieħi gravi wara li qala' daqqa ta' siġġu waqt argument ma' raġel ieħor ta' 42 sena.

Il-Pulizija kienet infurmata bil-każ, fi Triq Qrajten, Tal-Pieta, għall-ħabta tal-4:00am.

Jidher li seħħ argument bejn iż-żewġ persuni barranin.

Ir-raġel ta' 38 sena, ittieħed l-Isptar Mater Dei permezz t’ambulanza u ġie ċċertifikat li għandu ġrieħi gravi.

Raġel barrani ta’ 42 sena li joqgħod il-Pieta’ qed jiġi mitkellem mill-Pulizija filwaqt li l- investigazzjonijiet għadhom għaddejjin.